Dewleta tirke ya îşxalkere û cergê ci Rojawan de talan û dizdîya xo dewam kenê. Nê rojan de ke dewleta tirke ya îşxalkere genim û cihê şarî talan kena, diznena. Dewleya tirke ya îşxalkere û cerganê ci Girê Sipî de dest na genim û cihê şarî pê kamyonan nê genim û cihî şawitî Tirkîya.

Şarê Girê Sipî merkezê Girê Sipî ra ver bi berê sînorî û Silûkî vejîya meydanan û înan dewleta tirke û cergê ci protesto kerdî. Xeylêk cinîyanê ke erzaqê înan ameyî diznayene, pê qîrayîşê 'Kedwerî, xayînî' dewleta tirke protesto kerde.

Çalakîkeran talanê dewleta tirke pê telefonan qeyd kerdî û medyaya komelkîye de pare kerdî. Ame parekerdene nê erzaqî erşawîyenê TMOyî yê Akçakale.

Endamê Koordînasyonê Kantonê Girê Sipî Brahîm Cumayî ANFyî reyde qisey kerd û îfade kerd ke îşxalê dewleta tirke ra dima rewşa ekonomîke ya herême bîye xirabêr.

Cumayî vat: ''Şaristanan de vêşanîyêka pîle esta. Nan 200 lîra ra bi 400 lîra. Seba ke şaristanan de lîraya tirkan ameye ferzkerdene rewşa ekonomîke ya şarî xerabêr bîya.''