Endamê Têgêrayîşê Ciwanîya Şorişgêre ya Sûrîye vera hêrişê îşxalî yê dewleta tirke yê vera Başûrê Kurdîstanî Qereçox de rayraşîyayîşo meşaleyin kerd. Çalakîye de xoverdayîşê gerîlayan ame selamkerdene.

Rayraşîyayîşo ke Yewîya Cinîyan a Ciwanan zî paştî daye ci de tewirê PDKyî yê vera îşxalî ame şermezarkerdene. Ciwananê ke fotografê gerîlayan û flamayê PKKyî kiriştî semedê Hemleya Şorişgêre ya Bazanê Zagrosî paştdayîşê xo ard ziwan. Badê rêzgirewtişî eşkerayîye ameye dayene. Eşkerayîye de ame vatene ke îradeyê gerîlayî çekanê dewleta tirke ra xurtêr o. Ciwanan bale ante ser ke dewleta tirke semedê şerê zereyî yê kurdan vejo PDKyî şuxulneno û vat kbêşik o ke kam ke paştî bido îşxalê dewleta tirke xayîn o. Ciwanan ard ziwan ke ê do tim kişta gerîlayan de bê.

Reyna  Tabqa û Reqa de zî bi seyan kesanê ke vejîyayî kuçeyan hêrişê îşxalî yê dewleta tirke şermezar kerdî û xoverdayîşê gerîlayan selam kerd.