Strasbourg û Bellinzona de seba azadîya Rayber Apoyî rayraşîyayîşî ameyî kerdene.

Şaristanê Strasbourgî yê Fransa de serkêşîya TJK-E û TCŞyî de hêverî rayraşîyayîş ame kerdene.  Rayraşîyayîş de sloganê sey “Dewleta Tirk Faşîst e”, “Bijî Serok Apo”, “Bê Serok jiyan nabe”, “Bijî berxwedana Îmraliyê” û “Jin, Jiyan, Azadî”  ameyî vatene.

Dima rayraşîyayîş vurîya mîtîngî. Mîtîng de venga pêro kurdîstanijan û dostanê înan dîya ke wa tewrê rayraşîyayîşê Kolnî yê 16ê teşrîna peyêne bibê.

Ciwanan şaristanê Bellincona yê Swîsre de zî rayraşîyayîş kerd. Aktîvîstanê TCŞyî bi sloganan azadîya Rayber Apoyî waşte û şehîdê çalakîya fedayî ya vera TUSAŞî yad kerdî. Çalakîye bi govend û çepikan qedîyaye.