Heyetê Rayberdişê Merkezî (MYK) yê DEM Partî derheqê tayînkerdişê qeyûman ê Şarederîyanê Mêrdînî, Êlihî û Xelfetî de eşkerayîyêka nuştekîye daye. 

DEM Partî vat: ''Balkêş o no destsernayîş serrgêra Darbeya Meclîsî ya 4ê teşrîna peyêne ya 2016î de ame kerdene. Oyo ke ameyo kerdene tekrarê 30 serran o. Ma ancî vanê ke nê hêrişî vera îradeyê şarî darbe yê. Darbeya qeyûman de israrkerdiş nîşaneya binkewtişê sîyasî yê îqtîdarî yo. 

Nê kerdişî teyna bi destsernayîşê îradeyê şarê kurdî sînordar nêmanê. Ma venga pêro rayaumûmîya demokratîke danê ke vera nê ferasetê darbekarî yê nemeşrûyî vengê xo berz bikera û nêrazîbîyayîşê xo bimojna.

Ma do qetî sereyê xo nêarê war û têkoşînî ra apey gamêke nêerzê. Îqtîdarî îflas kerdo. Şarê ma zî do her şert û mercî de wayîrê îradeyê xo vejîyo.''