Dayîkanê gerîlayan Xalya Necar û Menîca Heyder vera tewirê PDKyî yê vera domananê ci yê ke vera hêrişê îşxalî yê dewleta tirke şer kenê, nêrazîbîyayîş ramojna.

Dayîke Xalya Necara ke vat,''Gerîla şar o, şar gerîla yo'' wina qisey kerd:  ''Ewro domanê ma koyanê Kurdîstan de vera îşxalê dewleta tirke xover danê. La PDK hêrişê domananê ma keno. Hinî bes o. Domananê ma ra dûrî vinderê. Hêrişê domananê ma mekerê. Şima nêeşkenê gerîlayan şarî ra raqilnê. Şar gerîlayî ra nêqerfîyeno. Ma do heta dalpaya peyên a gonîya xo wayîrê domananê xo vejîyê. Ma peyê paştîya gerîlayan de yê. Wa PDK domananê ma ra dûrî vindero. Hela ke hêrişê domananê ma kenê ma sînor nas nêkenê. Ma qet çew/î nas nêkenê.''

Dayîke Menîca Heyder zî ard ziwan ke a semedê paştdayîşê gerîlayan vejîyaya meydanan û vat: ''Wextêk o ke vera gerîlayan hêrişê wehşîyî yenê kerdene. Dewleta tirke çeka kîmyewîye şuxulnena. Heme dinya û îdareyê Başûrê Kurdîstanî vera nayî bêveng o. Ma tewirê PDKyî yê vera na rewşe şermezar kenê.  Ma sey dayîkan se beno wa bibo ma do tim paştî bidê domananê xo. Ma do destûr nêdê PDK û dewleta tirke. Eke PDK na polîtîkaya xo ya xelete bidomno ma do sey mertalê ganîyî domananê xo bipawê.''