Merkezê Îrtîbatî û Çapemenîye yê Hêzanê Sûrîyeya Demokratîke (QSD) bi eşkerayîyêke da zanayene ke vizêr Dêra Zorê de cergêkê DAÎŞî tepişîyayo.

Eşkerayîye de ame parekerdene ke hêzanê înan ê Komandosî bajarekê Şihêlî yê Dêra Zorê de eşt hucreyêkê DAÎŞî ser û cergêkê DAÎŞî tepişto. QSDyî da zanayene ke dest nîyayo çek, cebilcane û tay belgeyan ser zî. 

Hetê bînî ra DAÎŞî ancî vizêr DAÎŞî Dêra Zorê de hêrişê noqtaya hêzanê rejîmê Şamî kerd. Hêrişê DAÎŞî de 2 leşkerê Şamî merdî û 2 leşkerî zî birîndar bîyî.