Dêrik de semedê hewt şehîdanê QSDyî bi tewrbîyayîşê hezaran kesan merasîmê definkerdişî ame kerdene.

Şerwanê QSDyî Mihemed Mihemed (Mihyedîn), Ebdurehman Şêxo (Siyabend Bêkes), Mihemed Îsmaîl ( Şiyar Kobanê) û Mihemed Hesen (Xemgîn Bilbilê) hêrişê dewleta tirke yê 1ê sibate yê vera Teqil Beqilî de şehîd bîyî. Hakan Yalmaz (Partîzan Amed), Medenî Bozrok (Medenî Norşîn) û Mistefa Gûler (Mûsa Dêrsim) hêrişê çeteyanê DAÎŞî yê 20ê çeleyî de şehîd bîyî. Nesîbe Tetek (Arîn Bahoz) netîceya nêweşî ra Qamişlo de şehîde bîye.

Nêweşxaneyê Dêrikî ra hewt cenazayê şehîdan ameyî girewtene û bi konwoyî ameyî berdene Şehîdgehê Şehîd Xebat Dêrikî.Sûad Mistefa yê ke bi nameyê Meclîsê Keyeyanê Şehîdan ê Dêrikî qisey kerd ard ziwan ke şehîdan semedê pawitişê azadîye û anorê şaran têkoşîn kerd semedê pawitişê heme merdimîye ganê xo feda kerde. Hemserekê Meclîsê Kantonê Qamişloyî Efram Îshaqî zî vat: Hêzanê ma û şaranê Rojawanî bi felsefeya netewa demokratîke  û fikrê cuya hempare komplo pûç vet. Miyedîn Xêrkîyî ke bi nameyê QSDyî qisey kerd DAÎŞ û çeteyê terorîstan çiwext herême de bin bikewê dewleta tirke semedê qirewtişê qesasî hêrişê sîvîlan kena.

Endamê Meclîsê Şehîdan ê Dêrikî Mehmûd Ehmedî belgeyê hewt şehîdan wendî û teslîmê keyeyanê înan kerdî. Şerwanî bi tîlîlîyan ameyî definkerdene.