Zîndananê Tirkîya de tepişteyanê dewaya PKK û PAJKî vera tecrîdê Îmraliyî û seba çareserîya meseleya kurdan 27ê teşrîna peyêne de dest pê grevê vêşanîye kerdbî. Qezaya Dêrikî ya Kantonê Qamişloyî ya Rojawanî de bi seyan kesan seba ke paştî bidê tepişteyanê sîyasîyan dest pê grevê vêşanîye kerd.

Înîsîyatîfê Şarî verê Meclîsê Keyeyanê Şehîdan de xeyma çalakîye akerde. Roniştoxê herême, endamê rêxistinanê komelê sivîlî û endamê Yewîya Roşnvîran a Dêrikî zî beşdarê çalakîye bîyî.

Endama Meclîsê Keyeyanê Şehîdan Suade Mistefaya ke dadîya Hevrîne Xelef a, çalakîye de qisey kerd û ard ziwan ke ganî her kes paştî bido çalakîya grevê vêşanîye.

Endama Îdareyê Kongreya Starî ya Dêrikî Şadîye Yûsif, Endama HPCyî Zeynebe Amed û dadîya di şehîdan Şêrîne Omer zî çalakîye de qisey kerd û vat: ''Tecrîdê vera Rayber Apoyî vera pêro şaran o.''

Wina pawîyeno ke grev ewro zî do dewam bikero.