Goreyê çimeyanê herêmîyan 15ê sibare de cerganê dewleta tirke ya îşxalkere dewa Meryemîne ya qezaya Şera ya Efrînî de tewr tay 500 darê zeytunan birnayî.

Dîya zanayene ke nê zeytunêrî aîdê kesanê bi nameyê navê Mehmûd Mihemed Elî û Ehmed Cemal El-Dîn bîyî.

Cergê dewleta tirke ya îşxalkere Efrîn de bêmabên xoza wêran kenê, daran birnenê, dest nanê zeytunêran ser û zeytunan roşenê.

Goreyê raporê 2021î yê Rêxistina Heqanê Merdiman a Efrînî îşxalê Efrînî 2018 ra nata tewr tay 333 hezar û 900 darî birîyayî û 12 hezar darî zî ameyî vêşnayene. Rapor de ame vatene: ''Zeytunêrî sey malê tirkan Îspanya û Amerîka de roşîyenê. Darî û berhemê înan dewa Hemamî ya Cindirêsî ra erşawîyenê Tirkîya.''