Dewleta tirke ya îşxalkere Eyn Îsa de xeylêk baregehî ronayî. 2020 ra nata dewanê Xalîdiyê, Mielek, Hoşan, El Mişêrfê û Seyda de 5 baregehî ronîyayî. Nê dewî semedê hêrişanê îşxalî ra ameyî vengkerdene.

Dewleta tirke ya îşxalkere hetêkî ra hêrişanê Eyn Îsayî zêdînena hetê bînî ra zî dormeyê şaristanî de hendekan kenena û mewzîyanê xo pawena.

ANHA pê dîmenan îsbat kerd ke dûştê rayîrê M4î de mewzîyê herre ameyî kinitiş. Nê mewzîyî dewa Xerbet Yusif El Dêbî girê danê dewa Xafîye. Goreyê ANHA dewleta tirke bi nê hawayî kena ke dormeyê Eyn Îsayî bigêra û vakur û başûrê şaristanî yewbînan ra biqerfina.

Mewzîyan rê vera sewqîyatê çekan û leşkeran yeno kerdene û baregehî zî pê kamerayanê termalan û teyarayanê keşfî pawîyenê.

Hêrişanê nê baregehan de heta nika 11 sivîlî ameyî qetilkerdene û tewr tay 20 sivîlî zî birîndar bîyî.

Hetê bînî ra dewleta îşxalkere dewê Aqîbê û Bene yê qezaya Şêrawa yê Efrînî dayî bombayan ver. Bombardumanî ra dima têgêrayîşê teyarayanê keşfî yê dewleta tirke zêdîyayî.