Dewleta tirke Til Temir de hîrê domanî qetil kerdî
Dewleta tirke ya îşxalkere hêrişê dewa Eyn El Ebidî ya Til Temirî kerd. Hêriş de hîrê domanan dinyaya xo bedilnaye.
Dewleta tirke vizêr saete 18.00 de, bi obusan hêrişê dewa El Ebidî ya Til Temirî kerd.
Hêrişê dewleta tirke de hîrê domanî Meryeme Xidir Iwêsî (10), Îtîdal Iwês (9) û Ebdilezîz Xidir Iwês (8) ameyî qetilkerdene.
Hêriş de Zehra Xidir Iwês (14) û Diya’a Xidir Iwês (6) zî birîndar bîyî. Nêweşxane de tedawîya wird domanan dewam kena.
