Di teyarayê Artêşa Sûrîye hetê çeteyanê artêşa tirke ra  ameyî wardayene. Ajansê dewlete yê Sûrîye (SANA) da zanayene ke di teyarayê Artêşa Sûrîye ameyî wardayene. Goreyê xebera SANA pîlotan xo pê paraşûtan eştê war û rewşa înan baş a.

Wezîrîya Pawitişî ya Tirkî zî da zanayene ke înan Îdlîbî de di teyarayê rejîmî dayî war.  Ewro yew wesayîtê hewayî yê biçeke bêmerdimî (SÎHA)  yê dewleta tirke Îdlîbî de ameyebî wardayene. Ajansê fermî yê dewleta tirke Ajansê Anadolu (AA) zî îdîa kerd ke teyara ya artêşa Sûrîye ya la dima na xebere apey ameye girewtene.