Domanê Eyn Îsayî seba ke serra newîye pêşwazî bikerê vizêr vejîyayî kuçeyan.

Xebatkar û doktoranê Nêweşxaneyê Şehîd Omer Êluşî bi wesîleya serra newîye seba domananê Eyn Îsayî aktîvîteyî kerdî. 

Xebatkaran domanan rê balon û çîkolatayî vila kerdî. Xebatkaran da zanayene ke înan waşt wa domanî tayêk psîkolojîya şerî ra dûrî bimanê û bi hawayêkê hêvîdar û şayî dest pê serra newîye bikerê.

Xebetkaran ra Şêxa Mehmûd vat: ''Eyn Îsa her roje dîyeno bombayan ver. Nê hêrişî bi hawayêkê xirabî tesîrê domanan kenê. Ma zî armanc kerd ke moral bidê domanan. Ma înan rê dîyarîyî girewtî û kerd ke domanî tay weş bibê.''

Xebatkarê bînî yê Ebû Salîhî zî vat: ''Ma armanc kerd ke domanî bi hawayêkê şayî dest pê serra newîye bikerê. Domanî semedê bombardumanan ra tersenê,rewşa înan hol nîya. Coka ma waşt ke rojêke zî biba wa zerrîya domanan weş biba.''