Hêzê Sûrîyeya Demokratîke (QSD) û Hêzê Asayîşê Zereyî vera hucreyanê DAÎŞî operasyonanê xo rê dewam kenê. 20ê çeleyî sereştişê vera zîndanî ra nata mabênê hêzanê rojawanî û hucreyanê DAÎŞî de pêkewtişî qewimîyenê.

Goreyê xebera ANHA hêzanê QSD û Hêzanê Asayîşê Zereyî dormeyê Zîndanê Sinaa girewt binê kontrolî.Hêzanê Rojawanî dormeyê zîndanî de pê hoperloran venga cergan dayêne ke wa teslîm bibê. Dîya zanayene ke xeylêk cergê ke xîret kerdêne biremê teslîmê QSDyî bîyê.

QSDyî serê sibayî zî eşkera kerdbi ke DAÎŞ qasê 700 domanan sey tirsî şuxilneno û venga hêzanê mîyanneteweyîyan dabi ke verê nê hêrişan bigêrê.