Serfermandarê QSDyî Mazlûm Ebdîyî derheqê pêvînayîşê bi fermandarê hêzanê Rûsya yê Sûrîye Alexander Chaikoyî de eşkerayîyêke daye û vat ke înan binpaykerdişê dewleta tirke yê peymana 23ê teşrîna verêne ya 2019î û qirkerdişê Helîncê ser o qisey kerd.
Fermandarê Pêroyî yê Hêzanê Sûrîyeya Demokratîke (QSD) Mazlûm Ebdîyî hesabê xo yê twitterî ser o eşkerayîyêke daye û vat: ''Ma fermandarê Hêzanê Rûsya yê Sûrîye Alexander Chaikoyî reyde pêvînayîş kerd. Pêvînayîş de ma derheqê babetanê hemparan, binpaykerdişê dewleta tirke yê peymana 23ê teşrîna peyêne û qirkerdişê 3 aktîvîstanê kurdan ê Kobanê ser o nîqaş kerd.
Hetê bînî ra pêvînayîş de babeta asta koordînasyonî û zêdînayîşê xebatan ê hemparan ser o zî ma pêkerd. Seba ke xebatê înan ê kêmkerdişê alozîyan zî ma înan rê sipas kerd.''
Artêşa tirke ya îşxalkere 3ê hezîrane de pê SÎHAyan keyeyêkê dewa Helîncê ya Kobanê ser o bombayî eştbî û hêriş de 2ê ci endamê Koordînasyonê Kongreya Starî 3 cinîyî ameybî qetilkerdene.
