Efrîn de Şêxmûs Qasim Mistefayo 67 serra yo ke dewa Meydan Ikbesê ra hetê  çeteyanê Feyleq El Şamî yê ke pabesteyê dewleta tirke yê ra  amebi remnayene û 14 rojî destê înan de mendbi pê îşkenceyî ame kiştene.

Goreyê çimeyanê cayîyan çeteyan xebere daye keyeyê Mistefayî ke wa cenazaya ci bigerê. Keyeyê ci ewro saetanê serê sibayî de zîndanê qezaya Raco ra cenazaya xo girewte. Ame vatene ke bedenê Mistefayî de rêçê îşkenceyî estê.