Merkezê Îrtîbat û Çapemenîya Yewîyê Pawitişê Şarî (YPG) îzehetêko nuştekî da û derheqê çalakîyê ke Efrîn û qezayanê ci de ameyî viraştene de melumatî dayî. YPGyî dîyar kerd ke çalakîyî merkezê Efrînî û qezayanê Cindirês, Şera û Mabeta de ameyî viraştene.

Çalakîyê ke mabênê tarîxanê 19-21ê êlule de ameyî viraştene de, merkezê bajarî de 2, Mabeta de 4, Şera de 3 û Cindirês de zî çeteyêk ameyo kiştene. Goreyê melumatî yê ke merdî ra 2ê ci leşkerê tirkî yî.

Îzehetê YPGyî de wina ameyo vatene:

“Hêzanê ma 19ê êlule de merkezê bajarê Efrînî de vera wesayîtêko leşkerî de çalakîyêk viraşto û netîceyê ci de 2 leşkerî kişîyayî û xeylê leşkerî zî birîndar bîyî.

Reyna hêzanê ma 20ê êlule de qezaya Mabeta ra girêdaye dewanê Gazê û Mezinî de vera wesayîtêkê çeteyan de çalakîyêk viraşto. Netîceyê çalakîye de 4 çeteyî merdî û 2 çeteyî zî birîndar bîyî.

Hêzanê ma 21ê êlule de vera tanqêk de çalakîye viraştî. Netîceyê çalakîye de tanqe îmha bîya û çeteyêk kişîyayo.

Çalakîyê ke dewanê Gobelê û Xalta yê qezaya Şera de ameyî viraştene de ma verê cû vatbi 2 leşkerê artêşa tirkî ya dagîrkere ameyî kiştene. Labelê goreyê melumatanê neweyan 3 leşkerî kişîyayî, 2 leşkerî zî birîndar bîyî.”