Efrîn de çalakîye: 2 dagîrkerî ameyî kiştene
Merkezê Îrtîbat û Çapemenîya YPGyî da eşnawitene ke çalakîyanê înan yê Efîrînî de, yewê ci leşkerê tirkî, 2 dagîrkerî ameyî kiştene. Leşkerê tirkî ke merdo, nameyê ci Alî Okar o.
Goreyê eşkerayîya YPGyî ya ke keyepelê înan de ca gêna, merkezê Efrînî û qezaya Raco de vera arteşa tirkî û çeteyanê înan de 2 çalakîyî ameyî viraştene.
25ê êlule de tîmêkê YPGyî merkezê Efrînî de vera leşkeranê tirkî de çalakîya sûîqestî viraşto. Çalakîye de leşkerê tirkî bi nameyê Alî Okar ameyo kiştene.
26ê aşme de zî dewa Golîya ya qezaya Raco de vera grûba çeteyan ya Şarqîye de çalakîyêk ameya viraştene. Çalakîye de çeteyêk ameyo kiştene.
