Kongreya Starî derheqê 25ê Teşrîna peyêne Roja Paştdayîş û Mucadaleyê Mîyanneteweyîye ya Vera Şîdetê Serê Cinîyan de dewa Babnîsê ya Şehba de kombîyayîşêk organîze kerd.

Kombîyayîş de endama Koordînasyonê Kongreya Starî Cîhan Îsmaîle muhîmîya  xoverdayîşê cinîyan ser o qisey kerd.

Endamanê koordînasyonî ra Gulê Mihemede zî bale ante 25ê Teşrîna peyêne Roja Paştdayîş û Mucadaleyê Mîyanneteweyîye ya Vera Şîdetê Serê Cinîyan ser û va: ‘‘Waştişê ma hemverê şîdetê serê cinîyan de girdkerdişê xoverdayîşî yo.‘‘

Gule da zanayene ke çeteyê dewleta tirkî Efrîn de cinîyan rê hêrişanê wehşîkîyan kenî û va: ‘‘ Ganî cinîyî xo perwerde bikerê û biresnê. Heta ke cinî azad mebo komel zî azad nêbeno.‘‘