Derheqê binpaykerdişanê heqanê di serranê peyênan ê Efrînî yo ke adara 2018î de ame îşxalkerdene raporêk ame ekerakerdene. Rêxistina Heqanê Merdiman a  Efrînî Kampa Serdemî ya Kantonê Şehba de rapor bi eşkerayîyêka çapemenîye ya kîtlekî da eşnawitene.

Endama Rêxistina Heqanê Merdiman a Efrînî Heyhane Alî ya ke rapor wend derheqê binpaykerdişê heqanî de nê vatî:

''Hêrişanê îşxalî ver 300 hezar ra zafêr kesan Şehba û bajaranê bînan ê Sûrîye rê bar kerd. Wextê îşxalî ra heta nika nufusa kurdan se ra 18 dîyaye ware. Îdlîb û herêmanê bînan ra çeteyê ke ameyê ardene Efrîn de ameyî cakerdene. Nameyê kuçeyanê bajarî û dewan  kurdî ra açaryayî tirkî. Mekteban de dersa tirkî yena dayene û kincê ke tirkan temsîl kenê dîyenê wendekaran ro.  Reyna bajar de fotografê Erdoganî yenê daliqnayene.

6 hezara û 200 sivîlî ameyî remnayene û derheqê aqibetê 3 hezar û 400 kesan de zanayîş çîn o. Reyna 61 serebûtê tacîzî ameyî kerdene û 3 cinîyan rîyê  hêrişê çeteyan ra xo kişt.553 sivîlî hetê artêşa tirke û çeteyanê ci ra ameyî qetilkerdene. Înan ra 55 kesî bi îşkenceyî ameyî kiştene. 200 hezar ra zafêr darê zeytûnî ameyî birnayene 11 hezar hektarê arazîya citkarî ameyî vêşanyene. 75 cayê tarîcî hetê dewleta tirke û çeteyanê ci ra ameyî talankerdene. Xeylêk tabloyê muzaîkî ameyî remnayene. 15 ra zafêr goristanê ke hetê grûbanê cîyayan ra sey bimbarek yenê hesibnayene ameyî wêêşanayene.

Ganî  Neteweyê Yewbîyayeyî (NY) UNÎCEF û UNESCO wezîfeyê xo bîyarê ca vera nê kerdişan bêvêng memanê. Wa dewleta tirke û çeteyê ci cade herra ma ra bivejîyê.''