Çimeyan pare kerd ke îstîxbaratê Tirkîya pê hemkarîya polîsan ê leşkerîyan, polîsan ê sivîlan û cerganê 'Artêşa Mîllî ya Sûrîye' ya Tirkîya kokim, doman û cinîyê Efrînî remnenê û tepişenê.

Rêxistina Heqanê Merdiman a Efrîn-Sûrîye vist vîrî ke 30ê hezîrane ra verî cergan serê sibayî eşt dewa Dagirê ya qezaya Mabata ya Efrînî ser û 6 dewijî remnayî. Nameyê sivîlan wina yê: ; Cemal Umer Elîko(28), Sebrî Ehmed Mihemed(40), Mihyedîn Elîko(55) û dadîya ci Fîdane, Ebdo Mihemed Abdullah(35) û dadîya ci Fatîme, Îmad Qadir Hisên(35) û dadîya ci Emîna. Heta nika têna nasnameyê 6 kesan ameyî dayene.

Rêxistine îfade kerd ke cergan Cemal Umer Elîko, Îmad Qadir Hisên, Ebdo Mihemed Abdullah dima ke keyeyanê înan fîdye da, vizêr vera dayî la sivîlê bînî hema zî hetê polîsan û îstîxbaratê Tirkîya de yê.

Peynîya nîsana 2020î de polîsanê artêşa tirke pê hemkarîya îstîxbaratê Tirkîya kokimê kurdî remnayî. Nameyê nê kokiman wina yê: Henîfe Ico(70), Nebîha Cewdet(70), Kerîma hevsera Mihemed Seydo(60), Cinet Mistefa(50), Fatima Mamo(50), Fehîma hevsera Mehmûd Ehmed Hebeş(45).

3 rojan ra dima cinîyî pê bedelê 400 TLyî ameyî veradayene la dima vera tay kokimanê cinîyan ê bînan hukm ame birnayene û keyeyê înan neçare mendî de 200 TL bidê.