Enternasyonalîsto amerîkayij Van Spronsono ke binê tesîrê Şoroşê Rojawanî de mend 15 mengî verê cu verê xo da Rojawan û tewrê YPGyî bi.

Van Spronsonî seba ke Rojawan de yo kêfweşîya xo ard ziwan û vat: ''Semedê mi tewrbîyayîşê YPGyî zaf muhîm o, çîyo ke bêhempa yo. Vera tewirêkê cuya bizexte û fîkrê yew dewlete cuya xosere ya şaran yena afernayene û semedê azadîya cinîyan têkoşîn yeno kerdene. Yew têgêrayîşo ke nînan keno tewrbîyayîşê ci semedê mi yew firset o. Reyna semedê nê têgêrayîşî ekolojî zî zaf muhîm o. Tîya vera xerckerdişê kapîtalîzmî derûdor yeno pawitene. Coka her hetê dinya ra merdimî verê xo danê Rojawanî.''

Van Spronsonî veng da şaranê Amerîka welatanê rojawanî û vat: ''Wextê şima beno de. Wextê rehetîye qedîya. Eke şima raşta azadîya xo wazene wa paştê şima sîstemî rê pêt nêbo. Tira bawer mekerê. Ganî ma pê destê xo çîyêk bikerê. Cuya xo kesanê bînan rê meverdê. Şima mecbûr nêyî tewrê hêzêkê leşkerî bibê la hinî hemkarê sûcan mebê.''

Enternasyonalîstê amerîkayijî vat: ''Têkoşînê vera DAÎŞî hema dewam keno. Hukmatê Amerîka zî tim vano ma DAÎŞ bin fînayo. No raşt nîyo. No têkoşîn hetê hêzanê azadîye yo ke tîya de yo ra yeno rayraberdene. Hema zî hucreyê çeteyan tîya estê. Grûbê sey OSO yê ke dewleta tirke paştî dana ci zî estê. Şer dewam keno. Hinî têna têkoşînê vera DAÎŞî nêvejeno, ganî vera faşîzmê dewleta tirke têkoşîn bêro kerdene. Eke merdim dest pê karêkî kerd ganî heta peynî bikero.''