Rîsipîyanê eşîranê El Hewas û Afadile yê Rojawanî ANFyî rê qisey kerd û venga koçberan da ke wa abigêrê Rojawanî.

Rîsipîyê eşîranê El Hewas Dehamî El Şiblîyî ard ziwan ke dewleta tirke Rojawanî kena veng û koçberanê Tirkîya semedê menfaatanê xo vera Ewropa şuxilnena. Şiblîyî vat: ''Tay kesî vanê wezîfeyê xopawitişî beno sebebê koçkerdişî la wina nîyo. Dewleta tirke ciwananê ma xapînena û şawena Lîbya, Afganîstan ûsn. Wa sûrîyeyîjî abigêrê welatê xo. Ma venga ciwanan danê wa abigêrê. Welatê ma her roje geş beno. Ma qirkerdişanê dewleta tirke ra nêtersenê. Ma sey rîsipîyan paştî danê QSDyî.''

Rîsipîyê eşîra Afadile Mistefa El Abdeyî îfade kerd ke şarê herême bi hawayêkê aramî ciwîyeno û vat: ''Welatê ma nika hewceyê ciwanan o. Peyê nê koçkerdişî de dewleta tirke esta. Dewlete semedo ke welatê am veng bikera nê sîyasetî kena. Ciwanî pawitoxê nê erdî yê. Coka ma venga ciwanan danê ke wa abigêrê erdê xo. Dewleta tirke û cergê El Nûsra û DAÎŞî ciwananê ma xapînena û înan bena şerî. Hêzê ma QSD nê erdî kenê asayî.''