Artêşa tirke ya îşxalkere cerganê xo reyde 18ê kanûne de hêrişê dewan û rayîrê M4î yê Eyn Îsayî kerdbi.  Şerwananê QSDyî zî çarçewa pawitişê meşruyî de cewabê hêrişan dabi.

Fermandarê QSDyî yê Eyn Îsayî Zîyad Helebî derheqê hêrişan de ANHA reyde qisey kerd û vat: "Saete 05:30 de artêşa tirke ya îşxalkere hêrîşê dewanê Mişêrfe û Cehbetî kerd û hêzanê ma cewab da înan. Seke medyaya tirkan îdîa kerd nîyo. 2 dewî zî binê serdestîya ma de yê. Şer 2 rojan dewam kerd. Şer de 12 cergî kişîyayî û wesayîtêkê înan ame îmhakerdene. Xoverdayîşê şerwananê ma dewam keno. Ma do rayîr nêdê cergan. "