Festîvala Hunerî û Edebîyatî ya Cinîyan a 5. rayberîya Komîteya Kulturî û Hunerî ya Rojawanî de Merkezê Kulturî û Hunerî yê Mihemed Şêxoyî de vizêr dest pêkerd. Wendekarê Zanîngehê rojawanî, roşnvîrî, temsîlkarê dezgehanê komelkîyan û xeylêk cinîyî tewrê akerdişê festîvale bîyî. Salona festîvale bi posteranê mîrasê kulturî ameye pirrkerdene.

Merasîmê akerdişî bi deqayêkê rêzgirewtişî dest pêkerd û destpêk de Endama Yewîya Cinîyan ê Roşnvîran Ahîne Mihemed qisey kerd û bernameyê festîvale eşkera kerd.

Nameyê Komîteya Kulturî û Hunerî ser o zî Eyşe Recep qisey ker dû vat: ''Rolê cinîyan ê komelî tim pey goş bîyî. Cinîyan bi felsefeya Rayber Apoyî xo şinasna û bîyî azad.''

Merasîm de Anahîta Sîno, Darîn Gewriyê û Jînda Mihemed deyîrî vatî. Grûbê ke tewrê festîvale bîyî hunerê xo pêşkêş kerdî. Roja yewîne ya festîvale de tenteneyê destî ameyî peramotene.

Bernameyê ewroyînî yê festîvale de Şaîre Meryeme Temîr kitabanê xo do îmaza bikera. Dima kayê tîyatroyî yê bi nameyê Qêrînî hetê Grûba Tîyatroyî ya Sarya Baran ra do bêro mojnayene. Grûba Şehîde Lorîne zî eseranê folklorê ereban do bimojna.

Festîvale do bi merasîmê xelatdayîşî biqeda.