'Ganî seba azadîya Ocalanî têkoşîn bêro berz kerdene'

Qamişlo de şar vera tecrîdo ke Rayberê Şarê Kurdî Abdullah Ocalanî ser o esto de hêrsê xo ard ziwan û Îdareyê Xoserî yê Vakurê Surîye û dezgehanê sivîlan ra waşt ke wa seba azadîya Ocalanî têkoşîn berz bikerî.

Rayberê Şarê Kurdî Abdullah Ocalanî ser o tecrîdêko girankerde yeno domnayene û pêdîyayîşê Ocalan û avûkatanê ci 6 aşmê bînî ame qedexe kerdene. Kurdî vera tecrîd û polîtîkaya hêrişkare ya dewleta tirkî de têkoşînê xo domnenî.

Qamişlo de şar vera tecrîdo ke Rayberê Şarê Kurdî Abdullah Ocalanî ser o esto de hêrsê xo ard ziwan û Îdareyê Xoserî yê Vakurê Surîye û dezgeyanê sivîlan ra waşt ke wa seba azadîya Ocalanî têkoşîn berz bikerî.

Hemwelatij Mihemed Hisênî muhîmîya rolê Ocalanî vist vîr û waşt ke wa dezgehî û kurdî seba azadîya Ocalanî têkoşîn berz bikerî.

Fehîme Çerkeze zî dîyar kerde ke dewleta tirkî tena zana hêrîşê şaran bikera û wina domnaye: "Tirkîya fikir û felsefeya Ocalanî ra tersena, coka tecrîdî domnena. Ganî dezgehê heqê merdiman vera nê hêrişan de bêveng memanî û çîyêk bikerî.

Newaf Hisênî zî eleqe ant yewîya kurdan ser û wina va: "Tirkîya tim sîyasetê qezencanê kurdan destê înan ra girewtişî ramena. Ganî pêroyê kurdî vera naye de bibî yew û bi têkoşînêko xurt Ocalanî azade bikerî."