Girê Sipî de ke binê îşxalê dewleta tirke de yo polîtîkaya tirkkerdişî dewam kena. Dewleta tirke sey DAÎŞî dezgehê şaristanî çin kerdî û seba de demografîyê şaristanî bivurna zor dana ke şar koç bikero.

Semedê hêrişan ra domanî heqê xo yê verênî perwerdeyî ra ameyî dûrvistene. Îşxalê dewleta tirke de Girê Sipî de 75 hezar sivîlî neçare mendî ke koç bikerê. Tay domanê koçberî zî cayanê ke koçê ci kerd de nêeşkenê adapte bibê.

Îşxalê dewleta tirke de Girê Sipî de 426 dibistanî ameyî padayene. Domanê Girê Sipî Eyn Îsa de 130 dibistanan de perwerdeyê xo ra dewam kenê la semedo ke mabên da perwerde nêeşkenê adapte bibê. Tay keyeyî zî hêrişan ra tersenê ke domananê xo bierşawê dibistane. Komîteya Perwerdeyî û Banderîye keyeyan teşwîq kena ke domananê xo bierşawê dibistane. Netîceya xebatan de 8 hezar û 735 domanan reyna dest pê perwerdeyî kerd.

Vervatoxa Komîteya Perwerdeyî û Banderîye ya Girê Sipî Amgîhane Hesen vat: ''Hêrişanê peyênan ra dima ma neçare mendî ke dewanê El Cirîn, Bexdîk, Hiriye û El Fase de mabênê perwerdeyî bidê. Wendekarî nê cayan de heqê perwerdeyî ra dûrî kewtî. Dezgehê mîyanneteweyî vera hêrişanê dewleta tirke bêveng ê.''