Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Grevê vêşanîye roja 40. de dewam keno.

Kantonê Kobanê de zî rayberîya Dezgehê Keyeyanê Şehîdan ê Herêma Firatî de Meydanê Şehîd Agîtî de bi şîarê 'Wext wextê azadîye yo, tecrîdî rê ney, Rayber Apoyî rê azadîye' grevê vêşanîye yê bidorî yê 7 rojan dîyabi destpêkerdene.

Endamê Meclîsê Keyeyanê Şehîdan û 30 kesî tewrê çalakîyî bîyî. Merkezê Kulturê Baqî Xido, Têgêrayîşê Kevana Zerine, Wezaretê Zîretî, Meclîsê Leşkerîye, Asayîş û endamanê Nêweşxaneyê Asayîşî çalakîkerî zîyaret kerdî.

Merasîmî bi qedayêkê rêzgirewtişî dest pêkerd û dima Têgêrayîşê Kevana Zerine ra Zerine Gulçîn Hiso qisey kerd û vat: ''Ma seba ke paştî bidê grevê tepişteyan dest pê na çalakîye kerd. Ma ewro sayê Rayber Apoyî de kultur û tradîsyonanê xo anê ca. Bê Rayberîye ma nêeşkenê biciwîyê.''