Fermandarîya Pêroyî ya Hêzanê Sûrîyeya Demokratîke (QSD) derheqê hêrişanê îşxalî yê dewleta tirke de eşkerayîyêke daye.

Eşkerayîye wina ya:

''Dewleta tirke ya îşxalkere no hewte sere de Şehba, Minbic, Eyn Îsa û Cizîre de herêmanê Rojawanî de hêrişê xo zêdînayî. Nê hêrişan de 3 hemwelatîyê ma şehîd bîyî, 4ê înan zî birîndar bîyî ke nînan ra di birîndarî doman ê.

Rixmo ke sûcê dewleta tirke ameyî belgekerdene seba ke rêxistinê mîyanneteweyî bêveng ê dewleta tirke paştdayîşê bi cergan rê dewam kerd û nê hêrişî çarçewa planêkî de ardî ca. Dewleta tirke seba ke hêzanê xo û leşkeranê xo yê kirakerdeyan Sûrîye de cabikera wazena hêzanê mîyanneteweyîyan de pêro peymanan bişuxilna. Nê hêrişî bi esasî nê çî armanc kenê.

Dewleta tirke ya îşxalkere seba ke nêrazîbîyayîşanê hêzanê neteweyîyan çin bikera vera hêzanê ma propagandaya hêrişî kena. La ganî hînî pêro terefê Sûrîye bizanê ke dewleta tirke seba ke cayanê bînan ê Sûrîye zî îşxal bikera wazena hêzanê ma qels bikera.

Dewleta tirke hol zanena ke vera nê hêrişan teyna ma ney şarê ma zî bi îradeyê xo, xo ver dano. Ma na hişmendîya neteweyîye ya şarê ma selam kenê. Çunke şarê ma girîngîya xoverdayîşî hol zaneno. Ma qehremananê xo, fedakar û şehîdanê xo selam kenê.

Hêriş û sûcê dewleta tirke do bêcewab nêmanê. Hêzê ma her wextî ra hîna qerardar ê ke herême û komelî bipawê û ameyoxêkê asayîyî awan bikerê.''