Dewa  Elpelûrê ya bajarê Kobanê yê Rojawanî de yew keyeyo ke Rayberê Şarê Kurdî Abdullah Ocalan tede mendbi raştê hêrişê hewayî amebi. Netîceya hêrişê dewleta tirke de xesaro madî amebi meydan.

Partîya Yewîya Demokratîke (PYD) derheqê hêrişî de eşkerayîye daye. Eşkerayîya ke dewa Elpelûrê de verê 'Banê Rayberîye'de ameye dayene de fotografê Rayberê Şarê Kurdî Abdullah Ocalanî ameyî kiriştene.

Endamê PYDyî Ahmed Şexoyî ke eşkerayîye daye vist vîrî ke bano ke Abdullah Ocalan 40 serrî cuwa ver tede mendo raştê hêrişî ameyo û vat: ''No hêrişo verên nîyo ke vera waranê ma yê bimbarekan yeno kerdene. Hêrişo verên ê vera cayê îdareyê xoserî zî nîyo. Qanûnî yenê binpaykerdene. Pêkerdişê ke Rûsya û Amerîka dir ameyî kerdene Tirkîya binpay kena. Senî ke vera Qereçox, Helince û Şehba qirkerdişî ameyî kerdene, nika vera Eyn Îsa, Şehba, Tiltemîr û waranê bînan hêrişî dewam kenê. Hêrişê vera Banê Rayberîye çarekerdişê meseleya kurdî zehmet keno.

Eynî wextî de vera şehîdgeh û goristananê ma hêrişî yenê kerdene. Hêrişê vera waranê ma yê tarîxî û manevîyan, hêrişê vera ercanê şarê ma her roje zêdîyene. Nê hêrişî her roje Komployê 15ê Sibate hewna kenê. Pê îşkence, tecrîd û qedexeyan nêeşkayî îradeyê Rayberê ma bişiknê, do meeşkê bişiknê. Heme vîr, kitab û felsefeya Rayber Apoyî xo rê sey tehdît vînenê. Ma sey Partîya Yewîya Demokratîke nê hêrişî şermezar kenê. Reyna ma bêvengîya  dewletanê mîyanneteweyî zî  şermezar kenê.''