Pêkewtişanê ke badê hêrişê çeteyanê DAÎŞî yê zê Zîndanê Sinaî yê taxa Xiwêranî ya Hesekê dest pêkerd, dewam kenê.

Pêkewtişan de Hêzê Asayîşî û Hêzê Sûrîyeya Demokratîke ca genê. Pêkewtişî dormeyê zîndanî û fakulteya îktîsatî de dewam kenê û çemberê çeteyan bîyo deng. Operasyonan de verî pawitişê sîvîlan yeno esasgirewtene.  Dîya zanayene ke pêkewtişan de xeylêk çeteyî ameyî kiştene û qefleyêkê çeteyan ame tepiştene. Helîkopter û teyarayê şerî yê koalîsyonî zî vizêrna nata ca ca bombarduman kenê.

QSDyî da zanayene ke hêzanê înan saetanê serê sibayî ra taxa Xiwêranî de xeylêk nûqtayî girewtê binê kontrolî û xeylêk çeteyî tepiştî.

Fermandarîya Pêroyî yê Heêzanê Asayîşê Zereyî yê Rojawanî eşkerayîye daye û nê pare kerdî: ''Çeteyanê DAÎŞî şewa pancşemeyî hêrişê Zîndanê Sinaî yê taxa Xiwêranî kerd. Verî dormeyê zîndanî de wesayîtêko bombabarkerde teqna. Dima ra çeteyî  taxanê dormeyê zîndanî ra vila bîyî û hêrişê hêzanê asayîşî kerd ke çeteyê ke zîndan de yê biremnê. Hêzanê ma pîya bi hêzanê QSDyî hêrişî betal vetî û xeylêk çeteyê tepiştî operasyon da destpêkerdene. Pêkewtişan de yew endamê ma û hîrê sîvîlî şehîd bîyî û 7 endamê birîndar bîyî. Hêzanê ma taxa Xiwêranî bitamî girewt binê kontrolî û operasyonê semedê tepiştişê çeteyan dewam kenê.''