Wird wayî Zozane û Hîwa wextê şerê Kobanê de Kobanê ra nêvejîyayî. Ê şerî de û şerî ra dima zî 9 mengan şerwananê YPG-YPJyî reyde mendî, şorişî rê xizmet kerd.

Zozane wina qala ê rojan kena: ''Ma sînor de birîndaran rê werd viraştêne. Dima ke şer bi giranêr ma hînî pêro cepheyan rê werd pewt. Roje û şewa ma têmîyan bibî. Ma şerwanan ra hêz girewtêne. Ma bibî yew.''

Hîwa zî wina dewamê hîkaye ana: ''Wezîfeyê mi şitişê kincan, eleqedarîya birîndaran û werd pewtiş bi. Hetê manewî ra şitişê kincan zaf zehmet bi. Çunke kinê embazan gonînîn bîyî. Wextêk hewa zaf bibi ser. La ma reyna zî kincî şitêne. Wexto ke ma werd berdêne birîndaran înan moral dayêne ma.  Şer de aya tewr rinde embazîye aver şîye. Gaz û tup çinbi. Ma adirî ser nan pewtêne.  Embazan tim vatêne ke ê do Kobanê azad bikerê. Rojêke embaze Peymane ameye û mujde da ma. Ma zaf bibî şay. Şerî ra dima ez reya verêne şîya gorê lajê waya xo Demhatî. Dima ma şîyî dewa xo. La dewa ma serûbin bibî. Ez û waya mi ma soz dabi yewbînan.  Ma vat eke ma ra yew şehîd biba aya bîne do anêgêra keye û tewra şerwanan biba. 6 mengan de têna reyêk ma cîya kewtî ra. A şewe zî ez nêeşkaye heta serê sibayî ra bikewa. Domanîya xo ra nata ma pîya têkoşîn kerd.''