Hêzanê Pawitişê Komelkî yê Cinîyan (HPC-JIN) seba ke bale biancê tecrîdê vera Rayberê Şarê Kurdî Abdullah Ocalanî ser  Kobanê de Meydanê Cinîya Azade de eşkerayîyêke daye.

Endama HPC-JIN Nurcane Tayfur eşkerayîye wende. Eşkerayîye de ame vîrvistene ke Rayberê Şarê Kurdî rê destûr nêdîyeno ke keye û avûkatanê xo bivîno. Tayfure vat: ''Ganî terefgîrê şarê ma, demokrasî û haştîye vera na rewşe tewir bigêrê û bêveng nêmanê. 23 serrî yo vera Rayber Apoyî sûc yeno kerdene. No hînî biqedo. Ma nê sûcî qebul nêkenê.''