Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Herêma Şehîd Delîlî ya Rojawanê Zapî;

''29ê teşrîna verêne de Warê Xoverdayîşî yê Girê Baharî de îşxalkerî bi çekanê giranan ameyî hedefgirewtene û mewzîyêke ameye derbkerdene. Na çalakîye hetê hêzanê ma yê YJA Starî ra ameye kerdene.

31ê teşrîna verêne de Warê Xoverdayîşî yê Girê Baharî 2 kepçeyanê ke semedê îşxalî rayîr viraştêne û wesayêko zirxinê ke ê pawitene hetê hêzanê ma ra bi hewayêkê bikoordîne ameyî pirodayene. Wird kepçeyê ke di hetan ra ameyî pirodayene ameyî îmhakerdene û wird operatoranê kepçeyan ra yew ame cezakerdene yew zî birîndar bi. Reyna wesayîtê zirxinê ke kepçeyî pawitene o zî ame pirodayene û ame derbkerdene û dormeyê ci de 4 îşxalkerî birîndar bîyî.

Çekê qedexeyî;

31ê teşrîna verêne û 1ê teşrîna peyêne de de Warê Xoverdayîşî yê  Girê Baharî û Girê FMyî yê Herêma Şehîd Delîlî ya Rojawanê Zapî û Warê Xoverdayîşî yê Lolanî yê herêma Xakurkê  de tunelê ma bi teqaberanê qedexeyan dîyayî bombayan ver.

Bombarduman;

27 û 31ê  teşrîna verêne û 1ê teşrîna peyêne de Warê Xoverdayîşî yê Şehîd Şerîf, Qele, Lolan, Girê Şehîd Hawarî yê herma Xakurkê, Girê Reşîd, Sêdarê, Zengil, Rêbînê, Deşta Kafya, Çemrobotkî yê herêma Garê, Warê Xoverdayîşî yê Dergelê, Serê Metîna yê herêma Metîna,Warê Xoverdayîşî yê Girê Baharî yê herêa Zapî,warê Silê û Kortekî yê herêma Qendîlî 44 reyî  bi teyarayanê şerî dîyayî bombayan ver.

Eynî tarîxan de Warê Xoverdayîşî yê Girê Baharî yê Zapî, Warê Xoverdayîşî yê Dergelê, Serê Metîna yê herêma Metîna 19 reyî bi helîkopteranê hêrişî dîyayî bombayan ver.''