Hêzanê Xelisnayîşê Efrînî (HRE) bîlançoya 2020î ya çalakîyanê Efrînî yê vera dewleta tirke û cerganê ci eşkera kerde.

HRE pare kerd ke Efrîn de sûcê merdimîye yê dewleta tirke û cerganê ci dewam kenê.

Doneyê ke HRE pare kerdî wina yê:

-Serra 2020î de vera artêşa tirke ya îşxalkere û cerganê ci 153 çalakîyî ameyî kerdene. Nê çalakîyan de 235  cergî û 30 leşkerî kişîyayî. Çalakîyan de 172 cergî û 42 leşkerê tirkî birîndar bîyî.

-Çalakîyan de şerwananê HRE desr na 12 çekanê AK-47, şarjor û fîşekê ci, çekêka M-16î, 2 çekê A4, çekê BKC, 1 roketê RPG 7, 1 çeka sekbanîye, 1 MPT 76, 2 termal, 3 bêtêl, 1 kamera, 5 telefon, 1 cîhazê mesafe, 1 durbînê şewe, 1 dûrbînê roje, belgeyanê rêxistinî ser.

-Çalakîyan de 35 wesayîtî, 3 doçkayî û 2 dronî ameyî îmhakerdene. Tank û wesayîtê zirxînî zî tede 11 wesayîtî ameyî derbkerdene.

-Artêşa îşxalkere 374 reyî herême daye bombayan ver. Nê hêrişan de domanî zî tede 7 sivîlî şehîd bîyî û 14 sivîlî birîndar bîyî.

-Hêrişanê artêşa tirke ya îşxalkere û cerganê ci de 20 şerwanê HRE şehîd bîyî.