Hêzanê Xelisnayîşê Efrînî (HRE) derheqê babete de eşkerayîyêke weşanaye.

Eşkerayîya HRE wina ya: 

"Roja 4ê adare de cerganê îşxalkeran waşt ke hêrişê bajarekê Şêx Îsayî bikerê. Netîca cewabdayîşê hêzanê ma de şer qewimîya û çend cergî kişîyayî. Hûmara kişte û birîndaranê cergan nêameye zelalkerdene.

Roja 5ê adare de Ezazê de hêzanê ma vera baregehê artêşa tirke ya îşxalekre çalakîyêka taybete kerde. Netîceya çalakîye de tankêk ame îmhakerdene. Hûmara kişte û birîndaran nêameye zelalkerdene.

Roja 6ê adare;

- Efrîn de hêzanê ma vera cerganê îşxalkeran çalakîyêka sabotajî kerde. Netîceya çalakîye de 2 cergî birîndar bîyî.

- Ezazê de 2 wesayîtê cergan ameyî vêşnayene.

Roja 7ê adare;

- Dewa Birc Heyderî ya qezaya Şêrawa de hêzanê ma vera cerganê îşxalkeran çalakîyêka taybete kerde. Netîceya çalakîye de 2 cergî ameyî kiştene, cergêk zî birîndar bi. Wesayîtêk ame îmhakerdene.

- Xeta Babî de hêzanê ma 2 çalakîyê sekbanî kerdî. Netîceya nê çalakîyan de cergêk ame kiştene, cergêk zî birîndar bi.

Xulasa encama çalakîyanê 4 rojan de qaso ke ame zelalkerdene; 3 cergî ameyî kiştene, 4 cergî zî birîndar bîyî.

Artêşa îşxalkere wextanê peyênan de dewanê qezaya Şera, Şêrawa û dewanê herêma Şehba ser o bêmabên bi obus û hawanan bombayan vernena.''