Fermandarîya HRE bi eşkerayîyêke da zanayene ke Karker Tolhildan 10ê hezîrana 2023yî de şehîd bîyo. Eşkerayîye wina ya:

''Fermandarê ma Karker Tolhildan 10ê hezîrana 2023yî de hêrişê xidarî yê vera Efrînî de şehîd bi. Embazê ma Karker Tolhildan 2013 de komêka embazanê xo reyde Amanosî ra derbazê Efrînî bi. Ey vera Cebhet El Nûsra, DAÎŞ û dewleta tirke şer kerd û şehîd bi. Ma sere de keyeyê ci rê  şarê ma rê serweşîye wazenê. 

Embazê ma Karker Agirî de dadîya xo ra beno. O ciwanîya xo de tewrê gerîlayan beno û wextêkê kilmî de beno fermandar. O 2013 de komêka embazanê xo reyde derbazê Efrînî beno û seba pawitişê şorişî xebitîyeno. O beno ronayoxanê HRE ra yew û seba ke îşxalê vera Efrînî biqedîno şer keno. Rixmo ke çend reyî birîndar beno têkoşînî ra fek vera nêdano. O kedêka pîle dano şorişî. Sey teqîbkeranê ci ma soz danê ke têkoşînê ey pîlêr bikerê û wezîfeyanê xo bi layîqî bîyarê ca. Ma do heta xelisnayîşê Efrînî nêvinderê.

Nasnameyê embazê ma Karker Tolhildanî wina yo:

Nameyê Qodî: Karker Tolhildan

Name û Peyname: Ridvan Ulugana

Maye: Saîde

Pî: Kiyasettin

Tarîx û Cayê Şehadetî: 10ê Hezîrana 2023yî / Herêma Efrînî''