Hêzanê Xelisnayîşê Efrînî (HRE) bi wesîleya serrgêra îşxalkerdişê Efrînî vera îşxakeran çalakîyî  kerdî.

Eşkerayîya HRE de nê ameyî parekerdene:

''14ê adare de Taxa Eşrefîyê ya Efrînî de vera çeteyanê Sultan Muratî çalakîyêke ameye kerdene, çalakîye de wesayîtêk ame îmhakerdene.

16ê adere de herêma Efrînî de verê cepheyê çeteyan de çalakîyêke ameye kerdene. Netîceya çalakîye de çeteyêk ame kiştene. Reyna eynî roje hêzanê ma serê rayîrê Cindirêsî de vera nûqtaya kontrolî yê çeteyan çalakîya sabotojî kerde. Çalakîye de 2 çeteyî ameyî kiştene û 5 çeteyî zî birîndar bîyî û wesayîtêkê çeteyan ame îmhakerdene.

17ê adare de mabênê leşkeranê îşxalkeran û hêzanê ma de pêkewtişê giranî qewimîyayî. Pêkewtiş de 2 embazê ma esîr kewtî destê dişmenî û embaza Rûkene Zerdeşta ke birîndare bîye  seba ke destê dişmenî mekewo xo ser bomba teqna û tewrê kerwanê şehîdan bîye.  Hêzanê ma eynî roje Taxa Mahmudîyê de çalakîya sabotajî kerde. Çalakîye 2 çeteyî birîndar bîyî.

18ê adare de herêma Efrînî de vera  beregehê artêşa tirke çalakîye ameye kerdene. Çalakîye de 2 leşkerê îşxalkerî ameyî kiştene 2 de zî birîndar bîyî.

Embaza ma Rûkene Zerdeş keyeyêko êzidî de bîye pîl û xo pê ruhêkê welatperwer resna. Embaze Rûkena şehîda verêne ya yewîyanê Şehîd Avesta ya. Embaza ma ke xeta cinîya azade esas girewtêne rayîrê Avesteyan teqîp kerd. Hemra Rûkenê rêça fîkranê embazan Karker û Avastayan de ramojna ke îradeyê azadîye yo pîl do îşxalkeran bin bifîno.

Nasnameyê şerwana ke şehîde bîye wina yo:

Nameyê Qodî: Rûkene Zerdeşt

Name û Peyname: Gulîstane Zuheyr Îbrahîm

Nameyê Maye: Hesna

Nameyê Pî: Zuheyr

Cayê Bîyayîşî: Efrîn-Şêrawa

Tarîx û  Cayê Şehadetî: 17ê Adere 2021 / Efrîn

Ma şexsê embeze Rûkene de heme şehîdan bihurmet yad kenê keyeyanê  şehîdan rê serweşîye wazenê. Ma soz danê ke ma waştişê şehîdanê xo bîyarê ca.''