Hêzanê Xelisnayîşê Efrînî (HRE) derheqê serrgêra diyîne ya Efrînî de eşkerayîyêke daye.

Eşkerayîya HRE wina ya:

''Serra 2018î de dewleta tirke ya îşxalkere û cerganê ci Efrîn îşxal kerd. Vera nê îşxalî çalakîyê ma dewam kenê. Dewleta tirke ya îşxalkere bi metodanê DAÎŞî Rojawanê Kurdîstanî  îşxal kerd. Hema zî sûcanê merdimîye kena, qetlîaman kena û kena ke demografîyê herême bivurna.

Sey Hêzanê Xelisnayîşê Efrînî ma ewro hêvîya nê erdî yê û ma soz danê ke ma berpirsîyarîya na hêvî bîyarê ca. 

Ganî baş bêro zanayene ke ma heskerdoxê şerî nîyê la seba ke welatê ma ame îşxalkerdene no seba ma semedê şer û qesasî yo. Dişmenî şerî ra berî çîyêkî ra fam nêkenê. Ma do darbeyanê pîlan bidê dişmenan ro û nê erdî azad bikerê.

Ganî yar û neyar baş bizanê ke wezîfeyê ma yo verên azadîya Efrînî yo. Dejê şarê ma do destê îşxalkeranê tirkan de bibo gogêk û înan bivêşno, çin bikero.

Ma venga pêro ciwanan danê ke tewirê xo bimojnê û tewrê Xoverdayîşê Serdemî bibê. Azadîya nêzdî ya. Ma venga şarê Efrînî û dormeyê ci zî danê ke hêvî û bawerîya xo ya pê azadîye ganî û bihêz bikerê. Ma venga ê kesanê ke destê xo dayî destê îşxalkeran danê ke naye ra pey abigêrê namûs û rûmetê xo û îşxalkeran ra dûr şorê.''