Vervatoxê Federasyonê Komeleyanê Kurdan ê Danimarka (FEY-KURD) Şoreş Bîlîkanî Serekwezîrê Danimarka Mette Frederiksen û Wezîrê Karanê Teberî Lars Lokke Rasmussen rê mektûbo eşkera nuşt derheqê Vengdayîşê Haştîye û Komelê Demokratîkî yê Rayber Apoyî û cehdkerdişê prosesê haştîye Tirkîya de tewirê fermî yê hukmatê Danimarka persa.

Mektub de reyna ame vîrvistene ke Rayber Apoyî bi vengdayîşê xo yê 27ê sibate semedê haştîye veng da, dima ra PKKyî adirbirnayîş îlan kerd û ame vatene ke nika şar hêvî keno verê pêkewtişanê 40 serran bêro girewtene.

Mektub de hukmatê Danimarka ra ame waşteneke wa semedê paştdayîşê prosesî gaman bierzo û nê wird persî ameyî persayene:

1. Hukmatê Danimarka semedê paştdayîşê nê prosesê haştîye yê Tirkîya do gamêke bierzo?

2. Danimarka semedê heq û asayîşê kurdan do senî yew xebete rayra bero û semedê nê senî fikîryena?

Wezîrîya Karanê Teberî ya Danimarka bi nameyê Serekwezîrîye û Karanê Teberî cewabo hempar da. Mektub de nê ameyî vatene: ''Wezîrîya Karanê Teberî ya Danimarka averşîyayîşanê Tirkîya nizdî ra teqîp kena û semedê qedînayîşê pêkewtişê mabênê PKK û dewleta tirke her gama ke yena eştene bi keyfweşî verwazî kena. Caardişê vera şarê kurdî zî tede zaf muhîm o ke Tirkîya goreyê heqanê merdiman ê mîyanneteweyîyî têbigêro.Yeno hêvîkerdene ke wird hetî nê firsetî bierjnê û semedê haştîye û demokrasîyî gamanê pêtan bierzê. Danimarka û Yewîya Ewropa eşkera paştî danê nê prosesî.''