Hêzanê Asayîşê Zereyî yê Rojawanî Kampa Holî de vera hucreyanê nimiteyan ê DAÎŞî dest pê operasyonêkê hîrayî kerd.

Hêzê QSD, YPG, YPJyî, Hêzê Anti-Terorî û Hêzê Koalîsyonê Mîyanneteweyî yê vera DAÎŞî paştî danê operasyonî.

Tewr tay 5 hezar personelê asayîşî tewrê operasyonî bîyî. Hêzê Koalîsyonê Mîyanneteweyî zî paştdayîşê hewayî û îstîxbaratî danê operasyonî. Kampa Holî ya ke qasê 45 kîlometreyan rojhelatê Hesekê de ya, tede tewr tay 60 hezar kesî estê û zafê nînan keyeyê DAÎŞijan ê. Pawîyeno ke operasyon çend rojan dewam bikero.