Hemserekîya Konseya Rayberdişî ya KCKyî derheqê xespkerdişê şaredarîyanê DEM Partî yê Mêrdîn, Êlih û Xelfetî eşkerayîya nuştekîye daye û nê vatî:

''Îqtîdarê faşîstî yê AKP-MHPyî ewro serê sibayî şaredarîyanê Mêrdîn, Êlih û Xelfetî de qeyûm ca kerd û reyna îradeyê şarî xesp kerd. Verî zî şaredarîya Esenyurtî de qeyûm ame cakerdene. Wextê winayênî de ke Tirkîya de çareserî yena qiseykerdene reyna îradeyê şarî ame xespkerdene. No zî mojneno ke raştîye de nîyetê çareserî çîn o, zîhnîyetê qirkerdişî dewam keno.

Hinî eşkera vejîya meydan ke vatiş û kerdişê înan secîye nîyê. Vatişê înan semedê xapînayîşî bî. Ne nîyet ne zî palnê îqtîdarê faşîstî yê semedê haştîye, wayûbiratîye, çareserî est o. Têna yew planê îqtîdarî est o, o zî planê tesfîye û qirkerdişî yo. Reyna destsernayîşê îradeyê şarê kurdî nîyet û planê îqtîdarî deşîfre kerdî. Coka ganî qet çew vatişanê AKPyî rê mexapîyo. Zîhnîyetê nê îqtîdarî bi temamî antî demokratîkî o. Nîjadperest, faşîst, qirkerd û xespker o. Heme vatişê ci zî çarçewaya şertê taybetî de yê.

Şarê kurdî her ca de hewtî ra heta hewtayî ganî wirzo payan ser û wayîrê îradeyê xo bivejîyo. Qetî ganî no mero qebulkerdene, ganî cade her ca de nêrazîbîyayîşê xo bimojnê ra û heta ke îqtîdar peyser game bierzo, mevindo.  Nê qewimîyayîşê senî ke xesp û qirkerdiş ê eynî wextî de binpaykerdişê demokrasî û huqûqî yo. Vera nê caardişê qirker û xespkerî ganî xoverdayîş bêro kerdene. Ma veng danê pêro şarê xo; wa wayîrê anor, azadî, îradeyê xo bivejîyo. Heta ke no xesp werte ra bêro wedartine ganî çalakîyê dewam bikerê

Ma veng danê komelê Tirkîya û hêzanê demokrasîyî yê Tirkîya ke wa paştî bidê şarê kurdî. Wayîrvejîyayîşê waştişanê demokratîkan ê şarê kurdî yeno manaya wayîrvejîyayîşê demokratîkbîyayîşê Tirkîya. Na derbaya ke dîyaye îradeyê şarê kurdî ro, dîyaye demokratîkbîyayîşê Tirkîya ro zî. Eynî wextî de darbeya vera demokrasîya Tirkîya û pîya ciwîyayîşî ya. Eşkera yo îqtîdaro faşîst ê AKP-MHPyî do mevindo, xespkerdişê îradeyê şarê kurdî û komelê Tirkîya rê dewam bikero. Verî şaredarîya Esenyurtî, nika zî şaredarîyê Mêrdîn, Êlih û Xelfetî ameyî xespkerdene. Nê hetî ra ganî şarî vera faşîzmî, talan, xesp û qirkerdişî pîya xover bidê û heta ke îradeyê xo ke ameyo xespkerdene peyser bigîrê, çalakîyanê xo bidomnê.''