Hemserekanê KNKyî Zeynepe Murad û Ahmet Karamusî ni mesajêkê nuştekîyî kongreya PYDyî fîraz kerd.

Mesajê KNKyî de nê çîyî ameyî parekerdene:

''Hemserekanê Partîya Yewîya Demokratîke (PYD) rêzdare Ayşe Hiso û rêzdar Enwer Muslîmî rê, 

Bi wesîleya weçînayîşê şima yê seba hemserekîya PYDyî ma nameyê Kongreya Neteweyîye ya Kurdîstanî şima fîraz kenê û şima rê serkewtiş wazenê. Kongreya şima ya 8. wextêkê kubarî, hesasî û girîngî de dest pêkerd û bi serkewtişî qedîyaye. Ma pê serebez ê ke şima kongreya xo de meseleyê sîyasîyî, komelkîyî û rêxistine zî vistî rojdem û netîceyê başî girewtî. Heman wextî de meseleya xurtkerdişê kar û xebata yewîya neteweyîye zî rojdemê kongre de estbî û bawerîya ma na ya ke kongreya şima derheqê firsendanê kurdan de birê girîngî girewtî. Ma prosesê zaf hesasî rê derbaz benê û yewîya neteweyîye seba ma zaf girîng a. Ganî ma seba xurtkerdişê yewîya neteweyîye kar û xebatanê xo bihêzêr bikerê û seferberîye bidê destpêkerdene. Ma reyna şima fîraz kenê û şima rê serkewtiş wazenê.''