Festîvala Cinîyan a Zîlane serra xo ya 20ine de amadekarîye kena ke veng, qise û xoverdayîşê cinîyan biresna Londonî. Serkêşîya Meclîsê Cinîyan ê Jîyane de festîvale 14-15ê hezîrane de, bi şîarê ‘’Jin, Jiyan, Azadî reyde, Ver bi Awankerdişê Komelê Demokratîkî’’ do bêra kerdene. 

14ê hezîrane de festîvale do bi panelê ‘’Azadîya Cinîyan reyde Cuyêka Newîye’’ dest pêbikera. Panel de Wekîla DEM Partî Adalete Kaya, Wekîla Partîya Karkeran a Îngilîstanî Feryale Clark û xeylê cinîyî do qisey bikerê.

15ê hezîrane de festîvale de hunermendî Zînê Botanî, Gulseven Medar, Sûna Alan, Zeyno Durar û Bûrcû Aytaç do vejîyê sehne ser, seba domanan kargehî do virazîyê, standê werd û kincanê kurdan do bêrê akerdene.

Meclîsê Jîyane venga pêro cinîyan da ke bi şîarê Jin, Jiyan, Azadî tewrê festîvale bibê.