Grevê vêşanîye yo biagêrayîş ê Kantonê Cizîre roja 2’ine de yo. Çalakî bi serkêşîya Kongreya Star û Sazîya Keyeyê Şehîdan a Qamişloyî, Parkê 19’ê Temmuze de yena viraştene.

Grevê vêşanîye bi tewrbîyayîşê 154 çalakgeran dewam keno. Çalakgeran ra yewe zî Hanîfa Hesen a ke lajêke aye, birayêkê aye û birazayêkê aye şehîd ê. Hanîfa Hesene vat, “Di rojî yo ma grevê vêşanîye de yê. Ma hemraya xo Leyla ra vanê, ‘Tu tena nêya û ma do serê şopa to de bê.’ Ma Kurdî, ma do nênişê ro, nêvinderê û rincan nêbê. Heta ke tecrîdkerdişê Rayberê ma, tecrîdkerdişê keyna û lajanê ma yê zîndanan biqedîyo, ma do çar perçeyan de nêvinderê. Kamcîn perçeyê Kurdistanî de benê wa bibê, ma yew ê.”

Hesene vat ke kardî resaya qirika mayan, zerrîya înan seba domananê înan vêşena û vat, “Ê domanî tena cîgera şima nêyê, ê cîgera ma mayan ê Rojawanijan ê zî. Heta ke Rayberê ma azad nêbo, heta ke zerrîya ê mayan nêkewo ca ma nêvindenê, ma do înan dir bê.”

Endama HPC-JIN’î û Kongreya Starî Galya Suleymane zî grevê vêşanîye de ya û vat, “Senî ke ma soz dayo Rayberê xo, ma do tim çalakîyan virazê. Çi bar bikewo serê milê ma ma do bi ca bîyarê û heta ke Rayberê xo azad bikerê ma do çalakîyanê xo bidomnê.”