Meclîsê Cinîyan ê Minbicî kampan de dest pê rêxistinbîyayîşî kerd û bi paştdayîşê Komîteya Weşîye û Cinîyan ê Asayîşê Zereyî bi şîarê 'Ruh û cuye kampan de bi xoverdayîşê cinîyan do zîl bidê' hamleyêka newîye daye destpêkerdene. 

Kampa Resîma El Exdar de kombîyayîşê verênî de Îbtîsame Abdulqadîr Meclîsê Cinîyan ê Minbicî ser o qisey kerd û vat: ''Şerî de cinîyî neçare mendî ke kampan de bimanê. Ganî nê cinîyî birêxistin bibê, hîşyar û roşnvîr bibê û wayîrê ê îradeyî bibê ke vera sîstemê kapîtalîstî xo bipawê.''

Komîteya Weşîye ya Minbicî ra zî Hîbe Qenbor qisey kerd û seba ke doman û cinîyî vîrusê Korona ra bêrê pawitene tay tedbîrî ardî ziwan. Hîbe bale ante zewajê domanan ser û îfade kerd ke seba ke verê nê zewajan bêro girewtene her kes mesuldarîya xo bîyaro ca.

Dîya zanayene ke hamle do 15 rojan dewam bikera.