Fermandarê Meclîcê Leşkerî yê Girê Sipî Rîyad Xelefî  derheqê hêrişanê dewleta tirke ya îşxalkere û cerganê ci yê vera Seyda û Mielelî de qisey kerd.

Xelefî da zanayene ke hêzanê înan çarçewa pawitişê meşrûyî de xeylêk cergê dewleta tirke kiştî û wesayîtê înan îmha kerdî. Xelefî îfade kerd ke 4 mengî yo dewleta tirke cerganê xo reyde hêrişê Seyda û Mielekî kena.

Rîyad Xelefî vat: ''Seba ke zaf zerar resayo ci dewleta tirke neçare mende ke teyarayanê şerî bixebitna û wird dewan bida bombayan ver ke cenazayanê xo bigêra.''

Rîyad Xelefî wina dewam kerd: ''Heta nika rewşe nêvurîyaye. Hêzê ma cepheyan de seba erdê ma û şarê ma vera îşxalê dewleta tirke şer kenê û destanan nusenê.''