Têgêrayîşê Komelê Demokratîkî (TEV-DEM) bi wesîleya serrgêra serewedaritişê Qamişloyî ya 2004î eşkerayîyêke weşanaye.

Eşkerayîya TEV-DEMî wina ya: ''Ma bi wesîleya serrgêra serewedaritişê Qamişloyî hêvêrî şehîdanê serewedaritişê Qamişloyî û pêro şehîdanê Şorişê Rojawanî yad kenê. Bi serewedaritişê 12ê adara 2004î yê Qamişloyî zaf vurîyayîşî qewimîyayî. Netîceya serewedaritişî de sayê fedakarîya şehîdan û birîndaran serewedaritiş pêro şaristananê kurdan de vila bi. Vera nê serewedaritişî rejîmê Baasî yê Sûrîye bi tedayan waşt ke şarê ma bêveng bikero. La şarê ma sereyê xo nêard war. Şarê ma xo rêxistin kerd, çalakîyê haştîyaneyî û demokratîkî kerdî.

Nê prosesî ra dima 9 serrî vîyartî la Serekkomarê Sûrîye Esadî hema zî fîtne keno mîyanê şarê ma, bi eşkerayîyan vano ke kurdî Sûrîye ra nîyê. Rejîmê Sûrîye îşxalê dewleta tirke yê vera erdê Sûrîye zî bêveng mend la rejîmê Sûrîye ma vînenê ke Îdareyê Xoserî red keno.  No zî yeno a mana ke rejîmê Sûrîye îradeyê şarêkî red keno ke nê şarî seba erdê Sûrîye şer kerd. Nê eşkerayîyê çewtî yê ke seba çareserîye xizmet nêkenê krîzê Sûrîye kenê xorin. Nê eşkerayîyê têna rayîrê çareserîye gênê. Rayîrê çareserîye sîyaseto rastikên û etîk o. Naye ra projeyê Îdareyê Xoserî do bibo modelo tewr munasîb ê çareserîye. Ganî bêro zanayene ke çareserîye înkarê îradeyê şaran ê azadan nîya ke nê şaran teror çin kerd, zaf destkewteyî vistî destî û yewîya erdê Sûrîye pawit.''