Şerwananê YPJyî Berfîne Efrîn û Evîndare Efrîn qala tewrbîyayîşê xo yê bi YPJyî kerde û venga cinîyan da ke tewrê YPJyî bibê.

Şerwana YPJyî Berfîne Efrîn vat: ''Mi mîyanê YPJyî de xo şinasna. Tîya de cinîyî eşkenê cewherê xo bişinasnê. Ez gêrayêne azadîye. Xonaskerdiş pêhesîyayîşê cewherê xo yo. Mi waşt ez mîyanê nê têkoşînî de biba rayberan ê cinîyan ra yewe. Ma tîya de perwerdeyê kultur û ziwanî zî gênê. Perwerdeyî ra dima perwerdeyo leşkerîye dest pêkeno. Mîyanê YPJyî de embazîye mi rê zaf tesîr kerd. Ma pîya pêro prosesan ra derbaz benê.''

Şerwane Evîndare Efrîn vat: ''Ez mîyanê YPJyî de zaf vurîyaya. Tîya de cinîyî pê felsefeya Rayberîye yewbînan ra hes kenê, hetkarê yewbînan benê û têdûşt û azad ê. Tîya de perwerdeyo ke tewr zaf ez tira hes kena rexnekerdiş û rexnedayîş o. Ma vera erjanê şorişî xo ercnenê û soz danê ke ma kêmasîyanê xo raşt bikerê, xo aver berê.''

Peynî de wird şerwananê YPJyî venga pêro cinîyan da ke wa tewrê têkoşînî bê, azad bê.