Cinîya filîstînije Selama ke xoverdayoxîya cinîyan ê kurdan û têkoşînê azadîye ci rê zaf tesîr kerdo, qala hîkayeya xo kerde.

Selame kampa Yermûkî ya Şamî de dadîya xo ra bîye ke tede serra 1948î ra nata kampa filîstînijan esta. Selame wextê şerê zereyî yê Sûrîye de keyeyê xo reyde koçê sewbîna cayî kena û uca de mêrdeyê xo yê kurdî şinasnena. Dima Selame û mêrdeyê ci dewa mêrdeyî de ca benê.

Selame ana ziwan ke dewaya Kurdîstan û Filîstînî seyci yê û wina dewam kena: ''Wexto ke ma dewe de newe ca bibî mi şehîdêkê kurdî ser o fîlmêk temaşe erd û fîlmî zaf tesîrê mi kerd. Ez pê hesîyaya ke cinîyê kurdî xoverdayox ê û erdê xo azad kenê. Nê pêro zî sayê fikrê Rayber Apoyî de yê. Estbîyayîşê heqê cinîyan, qedexeyê pirzewajî, qedexeyê tedaya vera cinîye ke mîyanê komelê kurdan de estbîy zaf tesîrê mi kerd. Bi nê hawayî ez zêdêr nêzdîya kurdan bîya. Ez nika tûtanê xo nê esasî ser o kena pîl. Nika ez kurdkî musena ke bi xurtî tewra komelê kurdan biba.''